1 Այն խօսքը որ եղաւ Երեմիա մարգարէին Տիրոջ կողմանէ ասելով. 2 Այսպէս է ասում Տէրը՝ Իսրայէլի Աստուածը, թէ Գրիր քեզ համար մէկ գրքի մէջ այն բոլոր խօսքերը, որ քեզ հետ խօսել եմ. 3 Որովհետեւ ահա օրեր են գալիս, ասում է Տէրը, որ ետ պիտի դարձնեմ ա իմ Իսրայէլ եւ Յուդա ժողովրդի գերութիւնը, ասում է Տէրը, եւ բ նորանց ետ պիտի դարձնեմ այն երկիրը, որ տուել եմ իրանց հայրերին, եւ պիտի ժառանգեն նորան։
4 Եւ սորանք են այն խօսքերը, որ Տէրը խօսել է Իսրայէլի եւ Յուդայի մասին. 5 Թէ այսպէս է ասում Տէրը՝ Սոսկալի ձայն լսեցինք, վախ կայ եւ խաղաղութիւն չ’կայ։ 6 Մէկ հարցրէք եւ տեսէք, թէ արուն կ’ծնի՞, ապա ի՞նչու եմ տեսնում ամեն մարդ ձեռքերը երանքին դրած գ ծննդականի պէս, եւ ամեն երեսները փոխուած դեղնացած։ 7 դ Աւա՜ղ, որովհետեւ մեծ է այն օրը. ե նորա նմանը չ’կայ. Եւ նա նեղութեան ժամանակ պիտի լինի Յակոբի համար. Բայց նա ազատուելու է նորանից։ 8 Եւ կ’լինի այն օրը, ասում է Զօրաց Տէրը, ես կ’կոտրեմ նորա լուծը քո պարանոցիցը, եւ քո կապերը կ’կոտրեմ. Որ նորան այլ եւս չեն ծառայեցնել օտարները։ 9 Եւ նորանք կ’ծառայեն իրանց Տէր Աստուծուն, եւ իրանց զ Դաւիթ թագաւորին, է որին ես կ’յարուցանեմ նորանց համար։ 10 Բայց դու ը մի վախենար, ով իմ ծառայ Յակոբ, ասում է Տէրը. Մի զարհուրիր, ով Իսրայէլ, որովհետեւ ահա ես քեզ կ’ազատեմ հեռուից եւ քո սերունդին թ իրանց գերութեան երկրիցը. Եւ Յակոբը ետ կ’դառնայ եւ հանդարտ ու հանգիստ կ’լինի. Եւ վախեցնող չի լինիլ։ 11 Որովհետեւ ես քեզ հետ եմ, ասում է Տէրը, քեզ ազատելու համար, նորա համար որ ժ պիտի վերջացնեմ այն բոլոր ազգերը, ուր որ ես քեզ ցրիւ եմ տուել. ի բայց քեզ պիտի չ’վերջացնեմ, այլ լ քեզ պիտի խրատեմ իրաւունքով եւ քեզ բնաւ անմեղ պիտի չ’համարեմ։ 12 Որովհետեւ այսպէս է ասում Տէրը. խ Յուսահատական է քո կոտրուածը, ցաւալի՝ քո հարուածը. 13 Քո դատը դատող չ’կայ, կապելու համար. ծ բժշկութիւն՝ սպեղանի չ’կայ քեզ համար։ 14 կ Քո բոլոր հոմանիները մոռացել են քեզ, քեզ չեն որոնում. Որովհետեւ հ թշնամիի հարուածով հարուածեցի քեզ՝ ձ անգութի պատիժով, ղ քո անօրէնութիւնների շատութեան համար. Շատացել էին քո մեղքերը։ 15 Ի՞նչ ես աղաղակում ճ քո կոտրուածի համար, յուսահատական է քո ցաւը. Քո անօրէնութիւնների շատութեան համար, որ շատացել էին քո մեղքերը, ես արի այս բաները քեզ։ 16 Սորա համար բոլոր քեզ ուտողները մ պիտի ուտուին, եւ բոլոր քեզ նեղողները՝ ամենքն էլ գերի պիտի գնան. Եւ քեզ յափշտակողները պիտի յափշտակուին. Եւ բոլոր քեզ կողոպտողներին պիտի տամ կողոպուտի։ 17 յ Որովհետեւ ես քեզ պիտի սպեղանի դնեմ, եւ քո հարուածներիցը պիտի բժշկեմ քեզ, ասում է Տէրը. Որովհետեւ քեզ՝ Աքսորուած կոչեցին, թէ սա այն Սիօնն է, որին խնդրող չ’կայ։
18 Այսպէս է ասում Տէրը. Ահա ես ետ պիտի դարձնեմ ն Յակոբի վրանների գերութիւնը. Եւ շ նորա բնակարաններին պիտի ողորմեմ, եւ քաղաքը պիտի շինուի իր փլատակների թումբի վերայ, եւ պալատը իր կարգի համեմատ բնակարան լինի։ 19 Եւ ո նորանցից պիտի դուրս գայ գովասանութիւն եւ ուրախացողների ձայն. Եւ չ նորանց պիտի շատացնեմ, ու պիտի չ’քիչանան նորանք. Եւ նորանց պիտի փառաւորեմ, եւ պիտի չ’նուաստանան։ 20 Եւ նորա որդիքը պ առաջուայ պէս պիտի լինեն, եւ նորանց ժողովքը պիտի հաստատուի իմ առաջին, եւ ես պիտի այցելեմ նորա բոլոր հարստահարիչներին։ 21 Եւ ջ նորա մեծաւորը պիտի իրանից լինի, եւ նորա իշխանն իր միջիցը պիտի դուրս գայ, եւ ռ ես պիտի մօտեցնեմ նորան, եւ նա պիտի մօտ լինի ինձ. Որովհետեւ ո՞վ է նա որ վստահանայ իր սրտովն ինձ մօտենալու, ասում է Տէրը։ 22 Եւ ս դուք կ’լինէք ինձ համար ժողովուրդ, եւ ես կ’լինեմ ձեզ համար՝ Աստուած։
23 Ահա վ Տիրոջ մրրիկը բարկութեամբ պիտի դուրս գայ. Շառաչող թաթառը պտուտուելու է չարերի գլխին։ 24 Տիրոջ բարկութեան բորբոքումը ետ չի դառնալու, մինչեւ որ անէ եւ մինչեւ որ կատարէ իր սրտի խորհուրդները. տ յետի օրերումը պիտի հասկանաք այս։
Երեմիա 30